सांख्यदर्शनानुसारं मनुष्यसृष्टेः क्रमः वैज्ञानिकता च

Abstract

भारतीयदर्शशास्त्राणि मोक्षशास्त्राणि। तत्र जगतो जीवस्य चोत्पत्तेः कारणमन्विष्य तत्कारणैकान्तिकात्यन्तिकलीनमेव मोक्ष इत्युच्यते। जगतो जीवस्य च कारणत्वेन विविधदार्शनिकानां विविधमतानि परिलक्ष्यन्तेऽस्मिभिः। विश्वस्य प्राचीनतमे मोक्षशास्त्रे सांख्यशास्त्रे वा जगतो जीवस्य च मूलकारणत्वेन प्रकृति-पुरषौ मन्यते। सामग्रिकजडानां कारणं प्रकृतिः तथा चेतनानां जीवानां वा कारणं पुरुष इत्युच्यते। जीवेषु सर्वाधिकबुद्धिमन्तारः मनुष्याः श्रेष्ठाः मन्यन्ते। अतः मनुष्यसृष्टेः कस्तावत्क्रमः इत्यस्मिन् विषये चर्चा क्रमेण अधोल्लिखितेन क्रियते।